🦅 Watervoëls

Waterhoenders

Sluit die BLESHOENDER en die 2 WATERHOENDER spesies in.

Bleshoenders kom oor die hele land voor. Hulle wei dikwels op die lande/weiding rondom die waterbron en is nie baie mens-sku nie. Soos Dobbertjies het Bleshoenders ook gelobde tone.

Grootwaterhoender

Buiten die droë westelike dele, kom hul oor die hele land voor. 'n Relatief groot turkoois vpoël met wit strepe aan die sye asook onder die stert. 'n Rooi gesig/snawel met 'n geel punt. Die stert word gedurig op gewip terwyl die voël loop en wei.

Kleinwaterhoernder

Slegs in die vêrre noorde vd land. Het ook die wit strepe aan die sye maar die snawel is grootendeels geel met 'n duidelike rooi saal.

Spreeus / Starlings

Soos by meeste vd duifspesies, het spreeu-getalle wêreldwyd toegeneem. Hulle is sosiale diere en sommige spesies kan in groot swerms voorkom. Die Indiese- en Europese spesies is beide goed in SA gevestig, maar feitlik nêrens gewild nie.

Die Glansspreeus is mooi voëls met die bloupers vere wat pragtig in die son weerkaats.

Omnivore wat feitlik enige iets vreet.

Verskeidenheid van roepe maar altyd helder en duidelik.

Verskillende spesies broei verskillend; party in tonnels in sandwalle, ander in huisdakke en ander in bome en struike.

Europese Spreeu / European Starling

Hoofsaaklik in suidelike helfte vd land

Volop in die parke en tuine van stede en dorpe maar kom ook algemeen op plase voor.

Slim voëls wat geleer kan word om te praat en geluide na te maak.

Indiese spreeu / Indian Myna

Noordelike helfte vd land.

Witgatspreeu / Pied Starling

Slegs afwesig noord vd Vaalrivier en in die bosryke ooskus. Broei in groot kolonies in tonnels in grondwalle.

Die donkerbruin tot swart veredos met

'n spierwit oog en goudgeel mond is opvallend.

Witborsspreeu / Violet Backed Starling

Die mannetjie met sy pers-pienk rug kan met geen ander voël verwar word nie.

Kom voor in die ou Transvaal en Natal. Geniet veral vrugte maar vreet ook insekte.

Roep is 'n hoë fluitgeluid.

Monogaam en broei in gate in bome.

Die wyfie met haar swaar gestreepte wit bors.

Rooivlerkspreeu / Red winged Starling

Afwesig in die droër weste waar die Bleekvlerkspreeu algemeen is.

Die rooi aan die vlerke is veral opsigtelik wanneer hy vlieg.

Die mannetjie regs, effens grootter en die wyfie met haar gryserige kop, links.

Monogaam.

Die oë is donker waar die Bleekvlerk sin oranje is.

Verkies heuwelagtige habitat maar het goed in stede/dorpe aangepas.

Vreet veral vrugte en insekte

Bleekvlerkspreeu / Pale-winged Starling

Droër westelike dele vd land.

Oranje wit vlekstreep wat met Rooivlerk- verwar kan word maar die oranjeoog gee hom weg.

Stem in meeste opsigte ooreen met die Rooivlerk-

Kleinglansspreeu / Cape Glossy Starling

Volopste spreeu in die land en slegs afwesig in die suid-westelike deel vd land.

Volop in tuine, kampplekke en piekniekplekke. Wei stap-stap op die grond maar vang ook insekte in die lug.

Daar is geen kolle op sy vlerke nie.

Swartpensglansspreeu / Black-bellied Starling.

Kom slegs teen die bebosde oos- en suid-kus streke voor.

Selfde grootte as die Kleinglans- maar die pens het 'n nie-glansende swart kleur. Daar is geen swart kolle op sy vlerke nie.

Sit gewoonlik hoog in bome.

Groot-Blouoorglansspreeu / Greater Blue-eared Starling.

Kom voor in die verre noorde vd land. Die groot donkerblou oorvlek, die duidelike swart kolle op die vlerke en die donkerblou pens en anus streek, onderslei die spreeu.

Langstertglansspreeu / Meve's Starling

Kom voor in die Limpoporivier se oewer bosse.

Skraler en kleiner as die Grootglans- met die lang, gepunte stert, wat hom vd Grootglans- onderskei.

Die pens het 'n pers skeinsel en die oë is swart.

Hierdie individu toon ook 'n pers skynsel op die rug.

Grootglansspreeu / Burchell's Starling

Grootste van ons spreeus en kom voor in die droër savanna streke van die verre noorde vd land.

Die stert is lank en donker en eindig in 'n ronde punt. Die oë is ook swart.

Enkellopend of in klein groepies.

Renostervoëls / Oxpeckers

Kom voor in assosiasie met vee- en wilds-troppe. Was vroeër weidverspreid maar die gebruik van gifstowwe om beeste te dip, het verspreidingsgebied aansienlik laat krimp.

Nuwe gifstowwe het egter tot gevolg dat getalle begin toeneem en verspreiding ook uitbrei.

Skerp kloue en stewige stert stel die voëls in staat om op groot diere rond te klouter. Hulle bekke is ook so aan g

Terry se lens

Voëls & kerke

Brilpikkewyn /Afrika Pikkewyn

Waterhoenders

Watertrapper

Grootkoningriethaan

Kleinkoningriethaan

Swartriethaan

Spreeus / Starlings