Burgersdorp het 'n deurslaggewende rol gespeel in die totstandkoming vd Gereformeerde kerk in Suid-Afrika. Die gemeente is in 1860 gestig en het hul 1e leraar, Ds. Dirk Postma, in 1866 ontvang. Die gesukkel om 'n herder vir die gemeente te kry het direk daartoe bygedra dat die kerkraad hul beywer het om 'n kweekskool daar te stel.
Hoewel die sinode vd kerk nog nie gereed hiertoe gevoel het nie, het die plaaslike kerkraad op eie inisiatief hiermee voort gegaan. Die kweekskool was dan ook op Burgersdorp vanaf 1869 tot 1904, waarna dit na Potchefstroom verskuif het. Di. Dirk Postma en Lion Cachet was die leidende figure. Name van "geskikte" persone vir opleiding is deur kerkrade van alle gemeentes voorgelê. Die 1e vyf teologiese studente was: M.Pelser, S.Venter, LJ du Plessis, MPA Coetsee en WJ Snyman.
Ds. Postma se standpunt rakende die kerk se sendingtaak het verwydering tussen hom en 'n deel vd gemeente gebring. Dit het daartoe gelei dat Ds Venter van Bethuli Ds. Postma aangekla het in 'n brief waarin hy beweer het dat Ds. Postma hom losgemaak het van "Kerkbande". Op 'n vergadring waarin beide hulle standpunte kon stel, het Ds. Venter opgestaan en die vergadering verlaat. Daar is toe besluit dat Ds. Venter se aantuigings op "laster" neerkom.
Ds Postma het hom egter kort hierna, in 1879, vd gemeente losgemaak.
Sy seun, Petrus Postma, is beroep en het hom opgevolg.
